Vplab - ᲘᲜᲓᲣᲡᲢᲠᲘᲐᲨᲘ ᲛᲝᲬᲘᲜᲐᲕᲔ ᲙᲕᲚᲔᲕᲐ, ᲒᲐᲜᲕᲘᲗᲐᲠᲔᲑᲐ ᲓᲐ ᲤᲝᲠᲛᲣᲚᲘᲠᲔᲑᲐ
Vplab უკვე 15 წელზე მეტია სპორტული კვებისა და ჯანმრთელობის სფეროში ახალი, უფრო მაღალი სტანდარტების დამკვიდრებას ემსახურება. ყოველი ფორმულა შემუშავებულია სამეცნიერო კვლევებზე დაყრდნობით - მხოლოდ უმაღლესი ხარისხის ინგრედიენტებით, რომლებსაც ბრენდი სანდო, მსოფლიოში ცნობილი მომწოდებლებისგან იღებს. Vplab-ის თითოეული პროდუქტი უზრუნველყოფს ორგანიზმის მიერ მაქსიმალურ შეთვისებასა და ეფექტურობას, რაც რეალურ შედეგებს იძლევა.
ᲒᲚᲣᲙᲝᲖᲐᲛᲘᲜᲘ, ᲥᲝᲜᲓᲠᲝᲘᲢᲘᲜᲘ & MSM ᲯᲐᲜᲛᲠᲗᲔᲚᲘ ᲡᲐᲮᲡᲠᲔᲑᲘᲡ ᲡᲐᲤᲣᲫᲕᲔᲚᲘ
გლუკოზამინი, ქონდროიტინი და MSM სახსრების ჯანმრთელობისთვის საჭირო ნივთიერებებია:
-
გლუკოზამინი ხელს უწყობს ხრტილოვანი ქსოვილის აღდგენას და ამცირებს ანთებით პროცესებს, გარდა ამისა, ის საჭიროა გარკვეული ცილებისა და ცხიმების სინთეზისთვის, რომლებიც მნიშვნელოვან ქსოვილებს ქმნიან
-
ქონდროიტინი ხრტილების შემადგენელი მთავარი საშენი ნივთიერებაა, ის უზრუნველყოფს ხრტილის ელასტიკურობისა და სიმტკიცის შენარჩუნებას
-
MSM (მეთილსულფონილმეთანი) ხელს უწყობს სახსრების ანთებითი პროცესების შემცირებას, აუმჯობესებს მოქნილობას და აღადგენს კოლაგენის წარმოებას
ᲠᲐ ᲐᲠᲘᲡ ᲝᲛᲔᲒᲐ-3?
ოდითგანვე ცნობილია, რომ თევზი ადამიანის ჯანმრთელობისთვის სასარგებლო პროდუქტია. დროთა განმავლობაში მეცნიერების განვითარებასთან ერთად კი დადგინდა, რომ ადამიანის ორგანიზმის სრულფასოვან ფუნქციონირებაში უმნიშვნელოვანეს როლს ასრულებს ცხიმოვანი მჟავები. ერთ-ერთი ასეთი მნიშვნელოვანი კომპონენტია თევზის ქონში არსებული ნივთიერება, რომელსაც დღეს ომეგა-3-ს ვუწოდებთ.
ომეგა-3 ცხიმოვანი მჟავები სასიცოცხლოდ მნიშვნელოვანი საკვები ელემენტებია - ისინი ხელს უწყობს გულის, ტვინისა და მხედველობის ჯანმრთელობას, ასევე, მონაწილეობს ანთების საწინააღმდეგო პროცესებში. იქიდან გამომდინარე, რომ ორგანიზმი ამ მჟავებს თავად ვერ წარმოქმნის, აუცილებელია მათი მიღება საკვებისა თუ საკვები დანამატების სახით.
